ភ្នំពេញ៖ ធនាគារជាតិនៃកម្ពុជា សម្រេចលុបឈ្មោះក្រុមហ៊ុនដែលមានអាជ្ញាបណ្ណប្តូរប្រាក់ចំនួន២ ចេញពីបញ្ជីនៅធនាគារជាតិនៃកម្ពុជា។ បើតាមសេចក្តីប្រកាសព័ត៌មានក្រុមហ៊ុនចំនួន២ នោះរួមមានក្រុមហ៊ុន ក្រោយដឹម អ៊ិនធើណេសិនណល អ៊ុកឆេន ឯ.ក លេខអាជ្ញាបណ្ណ ១០១/១៩ និងក្រុមហ៊ុន ឡូជីក ម៉ាន់នី ឆេងជើ ឯ.ក មានលេខអាជ្ញាបណ្ណ ០២៣/២០។

ក្នុងសេចក្តីប្រកាសព័ត៌មាន ស្តីពីការលុបឈ្មោះក្រុមហ៊ុនដែលមានអាជ្ញាបណ្ណប្តូរប្រាក់ចេញពីបញ្ជីនៅធនាគារជាតិនៃកម្ពុជា ដែលចេញផ្សាយនាថ្ងៃទី១៨ ខែកក្កដា ឆ្នាំ២០២៤ នេះ មិនបានបញ្ជាក់អំពីមូលហេតុនៃការលុបអាជ្ញាបណ្ណប្តូរប្រាក់របស់ក្រុមហ៊ុនចំនួន២ ខាងលើនេះឡើយ៕