ភ្នំពេញ៖ អ្នកសារព័ត៌មានស្រ្តី ២រូប របស់ SME News គឺកញ្ញា គិត បុប្ផា និងកញ្ញា ទូច សូរិយា បានចូលរួមក្នុងវគ្គបណ្តុះបណ្តាលស្តីពី«ការរាយការណ៍ព័ត៌មានអំពីថវិកាជាតិ» ដើម្បីពង្រឹងសមត្ថភាព ការយល់ដឹង ការសរសេរ វិភាគ និងសម្រួលដល់ការបង្កើនលទ្ធភាពទទួលបានព័ត៌មានទាក់ទងនឹងថវិកាជាតិ។

វគ្គបណ្តុះបណ្តាលរយៈពេល២ថ្ងៃ គឺនៅថ្ងៃទី២៩-៣០ ខែមេសា ឆ្នាំ២០២៤ ដែលមានសិក្ខាកាមចំនួន២០ និងរៀបចំដោយសមាគមខេមបូចា នេះ បានផ្តោតលើចំណុចសំខាន់ៗដូចជា ការយល់ដឹងអំពីដំណើរការថវិកាជាតិ ដំណើរការថវិកាថ្នាក់ក្រោមជាតិ ទិន្នន័យថវិកាដែលអាចរកបានសម្រាប់អ្នកសារព័ត៌មាន របៀបបែងចែកថវិកា ការចាត់ថ្នាក់ថវិកាតាមវិស័យក្រសួង ការវិភាគចំណូល ចំណាយជាតិ និងបញ្ហាសំខាន់ៗសម្រាប់ការតស៊ូមតិ។

កម្មវិធីបណ្តុះបណ្តាលនេះ ទទួលបានការគាំទ្រពីមូលនិធិទីភ្នាក់ងារសហរដ្ឋអាមេរិកសម្រាប់ការអភិវឌ្ឍអន្តរជាតិ (USAID) តាមរយៈអង្គការតម្លាភាពកម្ពុជា(TI Cambodia)៕

(រូបភាពពីកម្មវិធីបណ្តុះបណ្តាល៖ «ការរាយការណ៍ព័ត៌មានអំពីថវិកាជាតិ»)