ភ្នំពេញ៖ ក្រសួងប្រៃសណីយ និងទូរគមនាគមន៍ បានដាក់សៀវភៅ «ផែនទីបង្ហាញផ្លូវអភិវឌ្ឍន៍ជំនាញឌីជីថលនៅកម្ពុជា ២០២៤-២០៣៥» ឱ្យប្រើប្រាស់ជាផ្លូវការនៅថ្ងៃទី ៣០ ខែមករា ឆ្នាំ២០២៤។

ការដាក់ចេញនូវ «ផែនទីបង្ហាញផ្លូវអភិវឌ្ឍន៍ជំនាញឌីជីថលនៅកម្ពុជា ២០២៤-២០៣៥» ក្នុងគោលបំណង កសាងមូលធនមនុស្សជំនាញឌីជីថលប្រកបដោយសមត្ថភាព ឆ្លើយតបនឹងតម្រូវការការងារ គាំទ្រដល់ដំណើរបរិវត្តកម្មឌីជីថលរបស់រដ្ឋាភិបាល ធុរកិច្ច និងប្រជាពលរដ្ឋ សំដៅដល់ការលើកកម្ពស់វិស័យឌីជីថល និងភាពប្រកួតប្រជែងរបស់កម្ពុជាក្នុងតំបន់។

ផែនទីបង្ហាញផ្លូវនេះ ជាសមាសភាពនៅក្នុងដំណើរការនៃការធ្វើបរិវត្តកម្មឌីជីផលនៅកម្ពុជា ដោយបានដាក់ចេញនៅយុទ្ធសាស្ត្រ និងសកម្មភាពអទិភាព ដើម្បីអនុវត្តក្នុងរយៈពេល១២ឆ្នាំ ដែលស្របតាមដំណើរនៃការកសាងសេដ្ឋកិច្ចនិងសង្គមឌីជីថលកម្ពុជា ដោយផ្តោតលើ ការពង្រឹងមូលដ្ឋានគ្រឹះ, ការបង្កើតមូលធនមនុស្សជំនាញឌីជីថល និងការលើកកម្ពស់សមត្ថភាពស្រាវជ្រាវនិងនវានុវត្តន៍៕