ភ្នំពេញ៖ អគ្គិសនីកម្ពុជា (EDC) ប្រាប់ឱ្យប្រុងប្រយ័ត្នចំពោះករណីបុគ្គល ដែលមិនស្គាល់អត្តសញ្ញាណបន្លំជានិយោជិតរបស់អគ្គិសនីកម្ពុជា ឱ្យអតិថិជនបង់ប្រាក់ ឬផ្ទេរប្រាក់សម្រាប់ការទូរទាត់ថ្លៃប្រើប្រាស់អគ្គិសនីប្រចាំខែ ថ្ងៃប្តូរនាឡិកាស្ទង់ ប្តូរឌីសុងទ័រ និងប្តូរបរិក្ខាអគ្គិសនីមួយចំនួន។ ជនខិលខូចទាំងនោះ បានឆរបោកអតិថិជនតាមរយៈទូរស័ព្ទ បណ្តាញទំនាក់ទំនងសង្គម និងធម្យោបាយនានា តាមរយៈភ្នាក់ងារវីង និងទ្រូម៉ានី ដោយជនឆបោកនោះ ទាមទារឱ្យបង់ប្រាក់ដោយបញ្ជាក់ថា ដើម្បីចៀសវាងការកាត់ផ្តាច់ចរន្តអគ្គិសនីជាបណ្តោះអាសន្ន។

បើតាមសេចក្តីប្រកាសអគ្គិសនីកម្ពុជា នៅថ្ងៃទី១១ ខែកញ្ញា ឆ្នាំ២០២៣នេះ បានប្រាប់ទៅអតិថិជន ដោយកុំបង់ប្រាក់ ឬផ្ទេរប្រាក់ទៅបុគ្គលនោះទាំងនោះឱ្យសោះ ប្រសិនបើ មានបុគ្គលមិនស្គាល់អត្តសញ្ញាណបានទំនាក់ទំនងទៅឱ្យធ្វើការបង់ប្រាក់ ឬផ្ទេរប្រាក់ ពាក់ព័ន្ធនឹងករណីខាងលើ។ ក្នុងករណីដែលអតិថិជនបង់លុយ នោះអគ្គសនីកម្ពុជា មិនការទទួលខុសត្រូវចំពោះទឹកប្រាក ដែលបានទូរទាត់នោះ។

បន្ថែមពីនេះ EDC ប្រាប់ថា បើមានករណីឆបោកនេះកើតឡើង ឬមានចម្ងល់ អតិជនអាចទំនាក់ទំនងតាមរយៈលេខទូរស័ព្ទក្នុងវិក្កយបត្រ អាចទំនាក់ទំនង Facebook ផ្លូវការរបស់«អគ្គសនីកម្ពុជា-EDC» ឬអាចទំនាក់ទំនងទីស្នាក់ការកណ្តាលរបស់អគ្គសនីកម្ពុជា ជាពិសេស តាមរយៈលេខទូរស័ព្ទលេខ ១២៩៨ ហើយបើមានករណីនេះកើតឡើងត្រូវផ្តល់ដំណឹងមកអគ្គិសនីកម្ពុជា ដើម្បីចាត់វិធានការតាមផ្លូវច្បាប់៕