ភ្នំពេញ៖ កម្ពុជា ជាគោលដៅទេសចរណ៍ដែលមានសុវត្ថិភាព ជាទឹកដីដ៏សែនមនោរម្យរបស់ភ្ញៀវទេសចរគ្រប់ទិសទីទូទាំងសកលលោក ដែលក្នុងនោះ មាននាវាទេសចរណ៍ឈ្មោះ SEVEN SEAS MARINER សញ្ជាតិ BAHAMAS បានចូលចតនៅកំពង់ផែស្វយ័តក្រុងព្រះសីហនុដោយសុវត្ថិភាព នៅថ្ងៃទី២ ខែមេសា ឆ្នាំ២០២៦។

ជាមួយគ្នានេះ មន្ទីរទេសចរណ៍ខេត្តព្រះសីហនុ បានទទួលស្វាគមន៍យ៉ាងកក់ក្តៅដល់ភ្ញៀវទេសចរ ចំនួន ៦០៩នាក់ ដែលមាន ២៧សញ្ជាតិ និងនាវិកចំនួន ៤៦៤នាក់ ដែលមាន ៣៦សញ្ជាតិ បានចុះពីនាវាទេសចរណ៍ SEVEN SEAS MARINER សញ្ជាតិ BAHAMAS ដោយមានបណ្ដោយប្រវែង ២១៦.៩៣ម៉ែត្រ និងទទឹងប្រវែង ២៨.៨០ម៉ែត្រ ជម្រៅ ៧ម៉ែត្រ ពិសេសគឺបានបង្ហាញអំពីតំបន់សក្តានុពលទេសចរណ៍សំខាន់ៗរបស់ខេត្តព្រះសីហនុដល់ភ្ញៀវទេសចរផងដែរ៕