ភ្នំពេញ៖ ក្រសួងកសិកម្ម​ រុក្ខាប្រមាញ់​ និងនេសាទ​ នឹងបន្តគាំទ្រនិងជ្រោមជ្រែងការវិនិយោគ និងការអភិវឌ្ឍរបស់ក្រុមហ៊ុន BDH TMH ដើម្បីឱ្យអនុវិស័យផលិតកម្មសត្វមាន់រីកចម្រើន និងមានភាពប្រកួតប្រជែង។ នេះបើតាមការបញ្ជាក់របស់ឯកឧត្តម​ ឌិត​ ទីណា​ រដ្ឋមន្រ្តីក្រសួងកសិកម្ម ក្នុងពិធីសម្ពោធស្ថានីយភ្ញាស់កូនមាន់របស់ក្រុមហ៊ុន BDH TMH នៅខេត្តកំពង់ឆ្នាំង។

ការ​សម្ពោធស្ថានីយភ្ញាស់កូនមាន់របស់ក្រុមហ៊ុន BDH TMH កាលពីថ្ងៃទី១៦​ ខែមករា​ ឆ្នាំ២០២៦ នេះ​ នឹងជួយផ្គត់ផ្គង់កូនមាន់មានគុណភាពខ្ពស់ និងមានប្រសិទ្ធភាពសេដ្ឋកិច្ចសម្រាប់ផ្គត់ផ្គង់ជូនប្រជាកសិករកម្ពុជា​។​​ ជាមួយគ្នានេះ ការវិនិយោគរបស់ក្រុមហ៊ុន BDH TMH ដែលជាជំហានដំបូងនៅកម្ពុជា នឹងបន្តពង្រីកការភ្ញាស់កូនមាន់ និងការបង្កាត់ពូជមាន់៕