ភ្នំពេញ៖ ឯកឧត្តម អ៊ុំ កុសល អនុរដ្ឋលេខាធិការក្រសួងពាណិជ្ជកម្ម និងក្រុមទីប្រឹក្សារបស់ធនាគារអភិវឌ្ឍន៍អាស៊ី (ADB) លើគម្រោងជំនួយបច្ចេកទេសដែលគាំទ្រដល់ការទទួលយកបច្ចេកវិទ្យាឌីជីថល និងជំរុញភាពច្នៃប្រឌិតសម្រាប់សហគ្រាសធុនមីក្រូ តូច និងមធ្យម ដែលកំពុងទទួលអនុវត្តដោយមជ្ឈមណ្ឌលបណ្តុះធុរកិច្ចថ្មី «តេជោ»។

កិច្ចពិភាក្សា កាលថ្ងៃទី២៨ ខែវិច្ឆិកា ឆ្នាំ២០២៥ បានពិភាក្សាលម្អិតពីលទ្ធភាពក្នុងការសហការ និងការចូលរួមអនុវត្តជំនួយបច្ចេកទេសនេះ តាមរយៈកិច្ចសហការភាពជាដៃគូជាមួយ ADB និងក្រសួងស្ថាប័នពាក់ព័ន្ធ ក្នុងគោលបំណងរួមដើម្បីពង្រឹងសមត្ថភាពស្ថាប័នមជ្ឈមណ្ឌលបណ្តុះធុរកិច្ចថ្មី «តេជោ» ដែលជាស្ថាប័នបណ្តុះបណ្តាល SME ឱ្យចាប់យកជំនាញឌីជីថថល និងជាពិសេសកិច្ចសហប្រតិបត្តិការជាមួយផ្សារអេឡិចត្រូនិកខេមឌាត្រេដ (Cambodiatrade.com) ក្នុងការជួយផ្សព្វផ្សាយ និងពង្រឹងសមត្ថភាពរបស់ SME ដែលបានចុះឈ្មោះចូលរួមជាមួយផ្សារអេឡិចត្រូនិក៕