ភ្នំពេញ៖ «ដានជើងឌីជីថល» គឺជាសំណល់សកម្មភាពដែលយើងបានប្រើប្រាស់នៅលើអនឡាញ រាប់បញ្ចូលទាំងសកម្មភាពដោយចេតនា និងទិន្នន័យផ្ទាល់ខ្លួនរបស់យើងនៅលើអ៊ីនធឺណិត។ នេះបើតាមគេហទំព័រកម្ពុជាឆ្ពោះទៅឌីជីថល។

សកម្មភាពដែលចាត់ទុកថាជា «ដានជើងឌីជីថល» មានដូចជាការទិញទំនិញអនឡាញ សកម្មភាពនៅលើបណ្តាញទំនាក់ទំនងសង្គម និងប្រវត្តិការស្វែងរកជាដើម។ ការយល់ដឹងពីដានជើងឌីជីថល គឺជារឿងសំខាន់ ព្រោះសកម្មភាពអនឡាញរបស់អ្នក បង្ហាញពីអ្វីដែលជាខ្លួនអ្នក ខណៈដែលទិន្នន័យនេះ ក៏អាចត្រូវបានយកទៅប្រើប្រាស់ សម្រាប់សកម្មភាពផ្សេងៗ ដូចជាការកំណត់គោលដៅផ្សព្វផ្សាយពាណិជ្ជកម្មជាដើម៕