ភ្នំពេញ៖ ក្រុមប្រឹក្សាអភិវឌ្ឍន៍កម្ពុជា សម្រេចចេញវិញ្ញាបនបត្រចុះបញ្ជីគម្រោងវិនិយោគបង្កើតរោងចក្រផលិតអេប៉ុង ដែលមានទីតាំងស្ថិតនៅក្បាលដីលេខ ១២០៤ ផ្លូវជាតិលេខ២ ភូមិជួស ឃុំជីខ្មា ស្រុកទ្រាំង ខេត្តតាកែវ ជាគម្រោងវិនិយោគមានលក្ខណៈសម្បត្តិ គ្រប់គ្រាន់ «គ.ល.គ.»។

គម្រោងវិនិយោគបង្កើតរោងចក្រផលិតអេប៉ុង របស់ក្រុមហ៊ុន ទ្រីដេន ញ មេធៀរៀល ថេកណឡជី ឯ.ក នេះ មានទំហំទុនវិនិយោគប្រមាណ ១០,២លានដុល្លារអាម៉េរិក និងអាចបង្កើតការងារបានចំនួន ១៨៧កន្លែង។ នេះបើតាមការចុះផ្សាយរបស់ក្រុមប្រឹក្សាអភិវឌ្ឍន៍កម្ពុជា កាលពីថ្ងៃទី៧ ខែតុលា ឆ្នាំ២០២៥៕