ភ្នំពេញ៖ កម្ពុជា-វៀតណាម បានឯកភាពគ្នារៀបចំដំណើរទស្សនកិច្ចស្វែងយល់ពីសក្តានុពលទេសចរណ៍ (Famtrip) រវាងប្រទេសទាំងពីរ ដើម្បីឱ្យភាគីឯកជនបានជួបពិភាក្សាគ្នារៀបចំកញ្ចប់ទស្សនកិច្ចថ្មីៗ បន្ថែមទៀត និងសហការជួយផ្សព្វផ្សាយសក្តានុពលទេសចរណ៍នៃប្រទេសទាំងពីរឱ្យបានទូលំទូលាយដល់ប្រជាជននៃប្រទេសទាំងពីរ និងពិភពលោក។

ជាមួយគ្នានេះ ឯកឧត្តម ហួត ហាក់ រដ្ឋមន្ត្រីក្រសួងទេសចរណ៍ បានវាយតម្លៃខ្ពស់ជូនដល់ឯកឧត្តម Nguyễn Văn Được ប្រធានគណៈកម្មាធិការប្រជាជនទីក្រុងហូជីមិញ ចំពោះគំនិតផ្តួចផ្តើមពង្រឹង និងពង្រីកកិច្ចសហប្រតិបត្តិការទេសចរណ៍រវាងទីក្រុងហូជីមិញ និងប្រទេសកម្ពុជាជាក់ស្តែង ដើម្បីជំរុញកំណើនភ្ញៀវទេសចរជាតិ និងអន្តរជាតិ៕