ភ្នំពេញ៖ សហគ្រិនខ្មែរ នឹងរៀបចំ កម្មវិធីបណ្តុះបណ្តាល ក្រោមប្រធានបទស្តីពី «ការរួបរួមជាក្រុម រូបមន្តជោគជ័យរបស់ស្ថាបនិក» ដឹកនាំដោយអ្នកជំនាញអន្តរជាតិចុងក្រោយ ក្នុងឆ្នាំ២០២៥ នៃកម្មវិធីសហគ្រិនប្រចាំការ (EiR) ដល់ម្ចាស់សហគ្រាសធុន តូច និងមធ្យម ឬម្ចាស់ធុរកិច្ចថ្មីដែលកំពុងស្វែងរកវិធីសាស្ត្រផ្លាស់ប្ដូរភាពមិនច្បាស់លាស់សម្រាប់ក្រុមការងារឱ្យមានរចនាសម្ព័ន្ធត្រឹមត្រូវ និងមានសក្ដានុពលខ្ពស់។

កម្មវិធីបណ្តុះបណ្តាលនេះ រៀបចំឡើងដើម្បីជួយម្ចាស់អាជីវកម្មទូទៅ SME និងម្ចាស់ធុរកិច្ចថ្មីក្នុងស្រុក ឱ្យទទួលបានជំនាញភាពជាអ្នកដឹកនាំ ដើម្បីពង្រឹងសមត្ថភាពក្រុមការងារ បង្កើតរចនាសម្ព័ន្ធការងារឱ្យបានច្បាស់លាស់ និងជំរុញឱ្យមានវប្បធម៌ការងារដ៏រឹងមាំ។ វគ្គបណ្តុះបណ្តាលនេះផងដែរ នឹងជួយដោះស្រាយបញ្ហាប្រឈមរបស់ធុរកិច្ចថ្មី និង SME ក្នុងការគ្រប់គ្រង និងរៀបចំក្រុមការងារមួយប្រកបដោយប្រសិទ្ធភាព តាមរយៈការកាត់បន្ថយភាពស្មុគស្មាញ ជំរុញការសហការក្នុងក្រុម និងប្រែក្លាយភាពស៊ាំញ៉ាំឱ្យមានរបៀបរៀបរយ។

កម្មវិធីបណ្តុះបណ្តាលនេះ នឹងធ្វើឡើងរយៈពេលមួយព្រឹក នៅថ្ងៃទី៥ ខែកញ្ញា ឆ្នាំ២០២៥ វេលា ម៉ោង ៨:០០ព្រឹក ដល់ម៉ោង ១២:០០ថ្ងៃត្រង់ ដោយសាធារណជន អាចចុះឈ្មោះចូលរួមតាមរយៈតំណភ្ជាប់ https://forms.gle/ynM7cgRN857FAaA18 ៕