ភ្នំពេញ៖ នាព្រឹកនេះ​ ឯកឧត្តម ហ្សង់ ហ្វ្រង់ស័រ តាន់ រដ្ឋមន្ត្រីប្រតិភូអមនាយករដ្ឋមន្ត្រី ទទួលបន្ទុកកិច្ចការការបរទេស និងសហប្រតិបត្តិការអន្តរជាតិ បានសរសេរលេីទំព័រហ្វេសប៊ុករបស់លោកថា​ "ត្រូវកំញើញកុំឱ្យគេរំលោភបទឈប់បាញ់។ វីរកងទ័ពនៅមុខ សម្លៀងអាវុធត្រៀមតបត។ យើងនៅក្រោយ ក្នុងនិងក្រៅប្រទេស សម្លៀងសំឡេង​ និងចុងប៉ាកកាត្រៀមស្រែកនិងសរសេរថ្កោលទោស។ "

លោកចង់ក្រេីនរម្លឹកដល់ខ្មែរយើងទាំងអស់គ្នាត្រូវរំឭកខ្លួនឯង និងខិតខំការពារមិនឱ្យគេរំលោភលើកិច្ចព្រមព្រៀងពីបទឈប់បាញ់ ដោយកងទ័ពវីរជននៅជួរមុខត្រូវបំពាក់អាវុធឱ្យរឹងមាំ ដើម្បីត្រៀមទប់ទល់នឹងការវាយប្រហារ និងការពារបូរណភាពទឹកដីជាតិ។ រីឯខ្សែការពារប្រជាជននៅសមរភូមិខាងក្រោយ ទាំងនៅក្នុង និងក្រៅប្រទេស ត្រូវបំពាក់(ត្រៀម)សំឡេង និងចុងប៉ាកា ដើម្បីស្រែកថ្កោលទោស និងសរសេរការពិតអំពីមហិច្ឆតាជនរំលោភបំពានលើដែនដីខ្មែរ។ ទន្ទឹមនឹងនេះ កម្ពុជាយើងត្រូវការសន្តិភាព និងការអភិវឌ្ឍន៍ ដើម្បីលើកស្ទួយជីវភាពប្រជាជន និងកសាងអនាគតប្រកបដោយស្ថិរភាព និងវឌ្ឍនភាពសម្រាប់ជាតិទាំងមូល។