ភ្នំពេញ៖ លោក O'Neill ដែលត្រូវបានតែងតាំងជាឯកអគ្គរដ្ឋទូតសហរដ្ឋអាម៉េរិកប្រចាំប្រទេសថៃ បានព្រមានថៃថា៖ «ជម្លោះព្រំដែនកម្ពុជា-ថៃនេះ គឺមិនមានប្រយោជន៍ទេ»។ នេះបើតាមចេញសេចក្តីថ្លែងការណ៍ព្រមានមួយទាក់ទងនឹងជម្លោះដែលកំពុងកើតមានរវាងប្រទេសថៃ និងកម្ពុជា។

តាមសេចក្តីថ្លៃការណ៍នោះ លោក O'Neill បានលើកឡើងថា៖ «ខ្ញុំគិតថារឿងដំបូងដែលខ្ញុំនឹងធ្វើ គឺចង្អុលទៅប្រទេសថៃ ដែលជាសម្ព័ន្ធមិត្តសន្ធិសញ្ញាតែមួយគត់របស់យើងនៅអាស៊ី -ថាសង្រ្គាមប្រភេទនេះ ជម្លោះប្រភេទនេះមិនមានប្រយោជន៍ក្នុងការលើកកម្ពស់សុខុមាលភាពរបស់ប្រជាជនខ្លួននោះទេ»។

បើតាមការចុះផ្សាយរបស់សម្តេចធិបតី ហ៊ុន ម៉ាណែត នាថ្ងៃទី៣០ ខែកក្កដា ឆ្នាំ២០២៥ បានឱ្យដឹងថា សុន្ទរកថានេះ គឺគូសបញ្ជាក់ពីក្តីបារម្ភអន្តរជាតិដែលកំពុងកើនឡើងចំពោះសកម្មភាពយោធារបស់ប្រទេសថៃ និងឥទ្ធិពលរបស់ពួកគេទៅលើសន្តិភាព និងស្ថិរភាពក្នុងតំបន់៕