ភ្នំពេញ៖ លោកឧកញ៉ា ជា ធីឡាយ អគ្គនាយក និងជាស្ថាបនិក នៃស្ថាប័នអប់រំ អ៊ិន ធី ស៊ី គ្រុប ប្រកាសផ្តល់អាហារូបករណ៍១០០% ដល់កូនៗរបស់យុទ្ធជនពលីក្នុងបុព្វហេតុការពារជាតិ ដើម្បីចូលរួមចំណែកជាមួយរាជរដ្ឋាភិបាលកម្ពុជា និងដើម្បីសម្រាលបន្ទុកហិរញ្ញវត្ថុក្នុងគ្រួសារយុទ្ធជនពលី។ នេះបើតាមចុះផ្សាយពីគេហទំព័រផ្លូវការរបស់ សាលារៀនសុវណ្ណភូមិ នាថ្ងៃទី២៩ ខែកក្កដា ឆ្នាំ២០២៥។

ចំពោះអាហារូបករណ៍ នឹងផ្តល់ជូនពួកគេរហូតដល់ចប់ថ្នាក់ទី១២ សម្រាប់ទាំងកម្មវិធីសិក្សាចំណេះទូទៅខ្មែរ និងភាសាអង់គ្លេសទូទៅ ក្នុងនោះគ្រួសារយុទ្ធជនពលីជីវិតក្នុងបុព្វហេតុការពារជាតិ អាចទំនាក់ទំនងមកកាន់សាលារៀនសុវណ្ណភូមិ តាមរយៈលេខទូរសព្ទ ០១៥ ៨៣៨ ០១៥ និង ០១៥ ៨៣៨ ៩០២៕