ភ្នំពេញ៖ មជ្ឈមណ្ឌលបណ្ដុះធុរកិច្ចថ្មី «តេជោ» សហការជាមួយ អង្គការស្វីសខន់ថាក់ បើកសិក្ខាសាលាលើកទី៨ នៃកម្មវិធី SparkMeet រដូវកាលទី៤ ដើម្បីផ្តល់ការយល់ដឹងអំពីគោលបំណងនៃតម្លៃ (Pricing Goals) កំណត់តម្លៃផលិតផល ដើម្បីអាចជំរុញកំណើនចំណូល និងភាពរឹងមាំ នៃទីផ្សាររបស់អាជីវកម្មនីមួយៗ ដល់ម្ចាស់អាជីវកម្ម។

វគ្គបណ្តុះបណ្តាលនេះ ដែលធ្វើឡើងតាមរយៈកម្មវិធី សហគ្រិនប្រចាំការ (EiR) ក្នុងកម្មវិធីពង្រឹងសហគ្រិនភាព និងនវានុវត្តន៍ នៃគម្រោងការពង្រឹងប្រព័ន្ធអេកូឡូស៊ី សហគ្រិនភាព និងការវិនិយោគ (3Ei) នេះ នឹងផ្តល់ចំណេះដឹងការប្រៀបធៀបរវាង Market Share និង Revenue Maximization និងវិធីសាស្ត្រកំណត់តម្លៃដោយមានប្រសិទ្ធភាព និងភាពទាក់ទាញ ដល់សិក្ខាកាមផងដែរ។

ចំពោះវាគ្មិនកិត្តិយ ដែលចូលរួមសិក្ខាសាលាខាងលើ គឺ លោក Maciej Prokop ជាសហគ្រិនប្រចាំការ (EIR) ថ្នាក់អន្តជាតិ ព្រមទាំងជាអ្នកជំនាញផ្នែកតម្លៃ និងយុទ្ធសាស្ត្រទៅកាន់ទីផ្សារ នឹងចូលរួមចែករំលែកអំពី «យុទ្ធសាស្រ្តកំណត់តម្លៃគោលដៅ៖ ផ្តោតលើចំណែកទីផ្សារ ឬក៏ប្រាក់ចំណូលអតិបរមា»។ កម្មវិធីបណ្តុះបណ្តាលនេះ ត្រូវបានផ្តល់មូលនិធិដោយ ទីភ្នាក់ងារស្វីសសម្រាប់ការអភិវឌ្ឍន៍ និងសហប្រតិបត្តិការ (SDC) ភ្នាក់ងារសហប្រតិបត្តិការអន្តរជាតិកូរ៉េ (KOICA) និងសហគ្រិនខ្មែរ (KE)។

សហគ្រិន ដែលមានបំណងចូលរួមសិក្ខាសាលាខាងលើ អាចចុះឈ្មោះចូលរួមតាមរយៈ https://docs.google.com/.../1FAIpQLSfrmGS.../viewform ដោយសិក្ខា នឹងធ្វើឡើង នៅថ្ងៃទី២៤ ខែកក្កដា ឆ្នាំ២០២៥ វេលាម៉ោង ១:៣០រសៀល ដល់ ៥:០០ល្ងាច នៅទីស្នាក់ការកណ្តាលនៃមជ្ឈមណ្ឌលបណ្តុះធុរកិច្ចថ្មី «តេជោ»៕