ភ្នំពេញ៖ លោក កែវ ចាន់ណារិទ្ធ អភិបាលរដ្ឋាករស្វយ័តដឹកជញ្ជូនសាធារណៈរថយន្តក្រុង ណែនាំឱ្យបុគ្គលិកអ្នកបើកបររថយន្តក្រុងសាធារណៈ ត្រូវប្រកាន់ភ្ជាប់ក្រមសីលធម៌ វិន័យក្នុងការបម្រើសេវា បើកបរត្រូវបើកបរគោរពចរាចរណ៍ ត្រូវចូលគ្រប់ចំណតរងចាំតាមខ្សែរត់ ពិសេសត្រូវមានស្មារតីប្រុងប្រយ័ត្នខ្ពស់គ្រប់វិនាទីក្នុងពេលបើកបរ ដើម្បីធានាបានសុវត្ថិភាពជូនដំណើរ។

លោក កែវ ចាន់ណារិទ្ធ លើកឡើងបែបនេះ នៅក្នុងវគ្គបណ្ដុះបណ្ដាលស្ដីពី «វិធីសាស្ដ្រសង្គ្រោះបឋមពេលរថយន្តក្រុងសាធារណៈជួបឧបទ្ទវហេតុ» កាលពីថ្ងៃទី០៩ ខែកក្កដា ឆ្នាំ២០២៥៕