ភ្នំពេញ៖ ក្រុមហ៊ុនអាកាសចរណ៍ Emirates Airline បើកដំណើរការជាផ្លូវការជើងហោះហើរថ្មីជាផ្លូវការ ប្រភេទ Boing777-300ER មកកាន់អាកាសយានដ្ឋានអន្តរជាតិសៀមរាបអង្គរ ខេត្តសៀមរាប កាលពីថ្ងៃទី៣ ខែមិថុនា ឆ្នាំ២០២៥។ នេះបើតាមការចុះផ្សាយរបស់ក្រសួងទេសចរណ៍។

ជើងហោះហើរខាងលើរបស់ ក្រុមហ៊ុនអាកាសចរណ៍ Emirates Airline នេះដែរ នឹងមានប្រតិបត្តិការ ៣ដង ក្នុងមួយសប្ដាហ៍ ចាប់ពីថ្ងៃទី៣ ខែមិថុនា ឆ្នាំ២០២៥ ដោយប្រើប្រាស់ប្រភេទយន្តហោះខ្នាតធំ ប៊ូអ៊ីង B777-300ER ចេញពីទីក្រុងឌូប៊ៃ-បាងកក-សៀមរាបអង្គរ ខេត្តសៀមរាប។

គួរបញ្ជាក់ថា ក្នុងកម្មវិធីបើកដំណើរការជាផ្លូវការជើងហោះហើរថ្មីនេះ ធ្វើឡើងក្រោមអធិបតីភាព ឯកឧត្ដមបណ្ឌិត ម៉ៅ ហាវណ្ណាល់ រដ្ឋមន្ត្រីទទួលបន្ទុករដ្ឋលេខាធិការដ្ឋានអាកាសចរស៊ីវិល និងមានការចូលរួមដោយ ឯកឧត្ដម កាឯកឧត្ដម កាទើ មហាំម៉ាត់ណោសស៊្រី រដ្ឋលេខាធិការក្រសួងទេសចរណ៍ តំណាង ឯកឧត្ដម ហួត ហាក់ រដ្ឋមន្ត្រីក្រសួងទេសចរណ៍៕