ភ្នំពេញ៖ មូលនិធិអភិវឌ្ឍន៍ជំនាញ (SDF) កំពុងបើកទទួលពាក្យពីគ្រឹះស្ថានបណ្តុះបណ្តាលទាំងអស់ ក្នុងការដាក់បញ្ចូលកម្មវិធីបណ្តុះបណ្តាលជំនាញរបស់ខ្លួន ទាំងជំនាញបច្ចេកទេស និងជំនាញទន់ លើកម្មវិធីផ្គូផ្គងជំនាញ។ នេះបើតាមការចុះផ្សាយរបស់ SDF កាលពីថ្ងៃទី២ ខែមិថុនា ឆ្នាំ២០២៥។

ចំពោះគ្រឹះស្ថានបណ្តុះបណ្តាលដែលចុះឈ្មោះឥឡូវនេះ នឹងទទួលបានការគាំទ្រពី SDF ទាំងការគាំទ្រផ្នែកហិរញ្ញវត្ថុ និងមិនមែនហិរញ្ញវត្ថុ ដោយក្នុងនោះសម្រាប់ដៃគូរបស់ SDF អាចចុះឈ្មោះតាមរយៈតំណភ្ជាប់ https://bit.ly/3EfJzMR និងគ្រឹះស្ថានដែលមិនទាន់ក្លាយជាដៃគូរបស់ SDF អាចចុះឈ្មោះតាមhttps://lnkd.in/gDSBA3FS។

SDF មិនមែនជាស្ថាប័នផ្តល់ប្រាក់កម្ចី ឬគ្រឹះស្ថានបណ្តុះបណ្តាលនោះទេ តែជាភ្នាក់ងាររបស់រាជរដ្ឋាភិបាល ក្រោមអាណាព្យាបាលរបស់ក្រសួងសេដ្ឋកិច្ច និងហិរញ្ញវត្ថុ ដែលដើរតួជាមជ្ឈមណ្ឌលកណ្តាល ជួយភ្ជាប់ទំនាក់ទំនងរវាងភាគីមានតម្រូវការជំនាញ (សហគ្រាសគ្រប់កម្រិត) និងភាគីផ្គត់ផ្តង់ជំនាញ (គ្រឹះស្ថានបណ្តុះបណ្តាល) ដើម្បីគាំទ្រដល់ការអភិវឌ្ឍជំនាញនៅកម្ពុជា និងផ្តល់ជូនកញ្ចប់ថវិកាគាំទ្រដល់ការអភិវឌ្ឍជំនាញ ដោយមិនទាមទារសំណង៕