ភ្នំពេញ៖ លោក Liu Jinghua អនុប្រធានមជ្ឈមណ្ឌលសហប្រតិបត្តិការសេដ្ឋកិច្ចចិន លើកឡើងថា មជ្ឈមណ្ឌលសហប្រតិបត្តិការសេដ្ឋកិច្ចចិន មានចំណាប់អារម្មណ៍វិនិយោគនៅកម្ពុជា និងស្វែងយល់បន្ថែមពីគោលនយោបាយ ព្រមទាំងការលើកទឹកចិត្តផ្សេងៗរបស់រាជរដ្ឋាភិបាល។

ក្នុងកិច្ចពិភាក្សា នាថ្ងៃទី២ ខែមិថុនា ឆ្នាំ២០២៥ ជាមួយ ឯកឧត្តម សួន សុផល អគ្គលេខាធិការរងគណៈកម្មាធិការវិនិយោគកម្ពុជា លោក Liu Jinghua ក៏បានសន្យាថា នឹងព្យាយាមផ្សព្វផ្សាយព័ត៌មានស្តីពី វិនិយោគ និងកៀរគរវិនិយោគិនចិនមកបណ្តាក់ទុនវិនិយោគនៅកម្ពុជា កាន់តែច្រើនទ្បើងថែមទៀត។

នាឱកាសនោះ ឯកឧត្តម សួន សុផល បានលើកឡើងពីរចនាសម្ព័ន្ធរបស់ក្រុមប្រឹក្សាអភិវឌ្ឍន៍កម្ពុជា ស្ថានភាពវិនិយោគនៅកម្ពុជា ច្បាប់ និងបទប្បញ្ញត្តិពាក់ព័ន្ធនឹងការវិនិយោគដែលបើកចំហ មានតម្លាភាព និងព្រមទាំងការលើកទឹកចិត្តផ្សេងៗ ដូចមានចែងក្នុងច្បាប់ស្តីពីវិនិយោគនៃព្រះរាជាណាចក្រកម្ពុជា៕