ភ្នំពេញ៖ វិទ្យាស្ថានពហុបច្ចេកទេសយ៉ាងចូវ ខេត្តជាំងស៊ូ ប្រទេសចិន បានផ្តល់អាហារូបករណ៍ ថ្នាក់បរិញ្ញាបត្ររងចំនួន ១០កន្លែង ដល់រដ្ឋបាលខេត្តសៀមរាប ដើម្បីឱ្យដល់សិស្ស និស្សិតរស់នៅក្នុងខេត្តសៀមរាប លើថ្លៃសិក្សា និងការស្នាក់នៅ ដែលមានលក្ខណសម្បត្តិសមស្របទៅតាមលក្ខខណ្ឌ។

សិស្ស និស្សិត ដែលមានចំណាប់អារម្មណ៍ទទួលបានអាហារូបករណ៍ខាងលើ អាចទាក់ទង និងផ្តល់ឯកសារពាក់ព័ន្ធមកការិយាល័យកសាងសមត្ថភាព នៃទីចាត់ការគ្រប់គ្រងធនធានមនុស្សសាលាខេត្ត ឬតាមរយៈលេខទូរសព្ទ ០៧៧ ៣៤៩ ៩៣៦ ឬ០៩៣ ៣៤៩ ៩៣៦ ឱ្យបានមុនថ្ងៃទី១០ ខែមិថុនា ឆ្នាំ២០២៥ ដើម្បីការិយាល័យជំនាញរៀបចំបញ្ជីឈ្មោះស្នើសុំការ ពិនិត្យសម្រេចមុននឹងបញ្ជូនបន្តទៅភាគីចិន។

សូមបញ្ជាក់ផងដែរថា សម្រាប់ថ្លៃសំបុត្រយន្តហោះ និងការចំណាយផ្សេងៗជាបន្ទុករបស់សាមីខ្លួន។ នេះបើតាមការចុះផ្សាយរបស់ រដ្ឋបាលខេត្តសៀមរាប កាលពីថ្ងៃទី៣០ ខែឧសភា ឆ្នាំ២០២៥៕