ភ្នំពេញ៖ ក្នុងឱកាសចូលឆ្នាំថ្មី ឆ្នាំសកល ២០២៤ នៅឆ្នេរធំៗចំនួន២ គឺ«ឆ្នេរអូឈើទាល» និង«ឆ្នេរអូត្រេស» ក្នុងខេត្តព្រះសីហនុ ក្រសួងប្រៃសណីយ៍ និងទូរគមនាគមន៍ដាក់ឱ្យប្រើប្រាស់សេវាអ៊ីនធឺណិតសាធារណៈ (Wi-Fi) ដោយឥតគិតថ្លៃ។ ប្រជាពលរដ្ឋ ភ្ញៀវទេសចរជាតិ និងអន្តរជាតិ អាចស្វែងរកទីតាំងនៅតាមឆ្នេរទាំង២ ដែលដាក់ឱ្យប្រើប្រាស់ Wi-Fi នេះ ដោយស្គែន QR Code ក្នុងរូបភាព ឬផ្ទាំងដាក់បង្ហាញនៅតាមទីតាំងជាក់ស្តែងដែលបានដាក់ ដើម្បីភ្ជាប់ Wi-Fi ។ ក្រសួងប្រៃសណីយ៍ដាក់តំណភ្ជាប់សម្រាប់មើលទីតាំង Wi-Fi សាធារណៈនេះ៖ https://mptc.gov.kh/public-wifi/ ៕