ភ្នំពេញ៖ កម្ពុជា-អូស្រ្តាលី ពិភាក្សា និងផ្លាស់ប្តូរទស្សនអំពីកិច្ចសហប្រតិបត្តិការទ្វេភាគីលើវិស័យទេសចរណ៍ និងកិច្ចសហប្រតិបត្តិការជំរុញការតភ្ជាប់ជើងហោះហើរត្រង់ពីអូស្រ្តាលីមកកម្ពុជា ដើម្បីផ្តល់ភាពងាយស្រួលដល់ប្រជាជនអូស្រ្តាលីធ្វើដំណើរមកកម្ពុជា ដែលជាគោលដៅទេសចរណ៍ ដ៏ពេញនិយមរបស់ប្រជាជនអូស្រ្តាលី ឱ្យកាន់តែច្រើនឡើងថែមទៀត។

ក្នុងជំនួបពិភាក្សាការងារ កាលពីថ្ងៃទី២៩ ខែមេសា ឆ្នាំ២០២៥ រវាង ឯកឧត្តម ហួត ហាក់ រដ្ឋមន្រ្តីក្រសួងទេសចរណ៍ និងឯកឧត្តម YIP Derek ឯកអគ្គរដ្ឋទូតអូស្រ្តាលីប្រចាំកម្ពុជា ដែលពិភាក្សាពីការតភ្ជាប់ជើងហោះហើរត្រង់ពីអូស្រ្តាលីមកកម្ពុជា នេះ គឺមានគោលបំណងផ្តល់ភាពងាយស្រួលដល់ការធ្វើដំណើរទេសចរណ៍ និងធុរកិច្ចរបស់ប្រជាជនអូស្រ្តាលី និងកម្ពុជា ផងដែរ។ នេះបើតាមការចុះផ្សាយរបស់ ក្រសួងទេសចរណ៍ កាលពីថ្ងៃទី២៩ ខែមេសា ឆ្នាំ២០២៥៕