ភ្នំពេញ៖ លោក ZHOU Jindao អគ្គនាយកក្រុមហ៊ុន Zhuhai Anyu Enterprise Co., Ltd. ស្វែងយល់អំពីឧស្សាហកម្មកែច្នៃកសិផល ឧស្សាហកម្មយានយន្តអគ្គីសនី ឧស្សាហកម្មផលិតឱសថ សម្ភារបរិក្ខារសុខភាព និងកិច្ចសម្រួលពាណិជ្ជកម្មនៅកម្ពុជា។ លោក ZHOU Jindao លើកឡើងដូច្នេះ ក្នុងជំនួបពិភាក្សាការងារជាមួយ ឯកឧត្តម លីម ឡោកពិសិដ្ឋ រដ្ឋលេខាធិការក្រសួងពាណិជ្ជកម្ម។

ក្នុងជំនួបពិភាក្សាការងារ កាលពីថ្ងៃទី២៤ ខែមេសា ឆ្នាំ២០២៥ ដែលលមានការចូលរួមពីគណៈប្រតិភូក្រុមហ៊ុនចំនួន១៦ មកពីវិស័យផ្សេងៗគ្នាទៀតផងនោះ ឯកឧត្តម លីម ឡោកពិសិដ្ឋ បានលើកឡើងអំពីទំនាក់ទំនងពាណិជ្ជកម្មរវាងប្រទេសទាំងពីរ កាលានុវត្តភាពលើវិស័យសំខាន់ៗនៅកម្ពុជា ក៏ដូចជាការជំរុញផលិតផលកម្ពុជា ទៅកាន់ទីផ្សារអន្តរជាតិផងដែរ។ នេះបើតាមការចុះផ្សាយរបស់ក្រសួងពាណិជ្ជកម្ម៕