ភ្នំពេញ៖ កម្ពុជា-ចិន បានផ្លាស់ប្តូរឯកសារពាក់ព័ន្ធនឹងកិច្ចសហប្រតិបត្តិការទ្វេភាគីចំនួន ៣៧ឯកសារ លើការវិនិយោគ, វិស័យពាណិជ្ជកម្ម, វិស័យអប់រំ, វិស័យហិរញ្ញវត្ថុ, វិស័យព័ត៌មាន, ការងារយុវជន, វិស័យកសិកម្ម, វិស័យសុខាភិបាល, វិស័យធនធានទឹក, វិស័យទេសចរណ៍, វិស័យកិច្ចការនារី និងវិស័យផ្សេងទៀត។

ការផ្លាស់ប្តូរនេះ ធ្វើឡើងកាលពីថ្ងៃទី១៧ ខែមេសា ឆ្នាំ២០២៥ ក្រោមអធិបតីភាព សម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា រួមជាមួយ ឯកឧត្តម ស៊ី ជីនពីង (Xi Jinping) ប្រធានាធិបតី នៃប្រទេសចិន នៅវិមានសន្តិភាព។ នេះបើតាមការចុះផ្សាយរបស់សម្តេចធិបតី ហ៊ុន ម៉ាណែត កាលពីថ្ងៃទី១៧ ខែមេសា ឆ្នាំ២០២៥៕