ភ្នំពេញ៖ នាឱកាសចូលឆ្នាំថ្មី ប្រពៃណីជាតិខ្មែរ តែងតែមានការលេងទឹកនៅតាមតំបន់មួយចំនួន ដែលញ៉ាំងឱ្យមានភាពសប្បាយរីករាយបន្ថែមទៀត ក្នុងឱកាសសប្បាយរីករាយនេះ ក៏អាចធ្វើឱ្យទូរសព្ទរបស់លោកអ្នកចូលទឹកដោយការអចេតនាផងដែរ។

ប្រសិនក្នុងករណីទូរសព្ទរបស់លោកអ្នកចូលទឹក ឬខូចខាត លោកអ្នកអាចអនុវត្តនូវវិធានការបឋម ដូចជា៖ ទី១.បិទទូរសព្ទ ឬឧបករណ៍ភ្លាមៗ និងជូតឱ្យស្ងួត, ទី២. យកទូរសព្ទដាក់ក្នុងថង់បិទជិតជាមួយអង្ករស្ងួត ឬថង់ស៊ីលីកាជែល (silica gel) ដើម្បីជួយស្រូបយកសំណើមចេញពីទូរសព្ទផងដែរ និងទី៣. ត្រូវយកទូរសព្ទទៅជួសជុលនៅហាងដែលអាចទុកចិត្តបានឱ្យបានឆាប់រហ័ស៕