ភ្នំពេញ៖ អគ្គនាយកដ្ឋានពន្ធដារ នៃក្រសួងសេដ្ឋកិច្ចនិងហិរញ្ញវត្ថុ សម្រេចលុបចោលអាជ្ញាប័ណ្ណភ្នាក់ងារសេវាកម្មពន្ធដារ របស់ក្រុមហ៊ុន ហ្វ្រេនស៊ីប ប៊ីហ្សនេស ខនសាល់ធេន ឯ.ក (FRIENDSHIP BUSINESS CONSULTANT CO., LTD.) លេខអត្តសញ្ញាណកម្មសារពើពន្ធ B117-901900340 លេខអាជ្ញាប័ណ្ណ និងជាភ្នាក់ងារសេវាកម្មពន្ធដារ TA202003003។

តាមរយៈការសម្រេចនេះ ក្រុមហ៊ុនខាងលើ ត្រូវបាត់បង់នីតិសម្បទាជាភ្នាក់ងារសេវាកម្មពន្ធដារ ដែលមិនអាចផ្តល់សេវាពាក់ព័ន្ធនឹង ពន្ធដារជូនអតិថិជន ឬជូនអ្នកជាប់ពន្ធទៀតទេ។ អគ្គនាយកដ្ឋានពន្ធដារ បញ្ជាក់ថា អភិបាលក្រុមហ៊ុន អ្នកជាប់ពន្ធ និងសាធារណជនទូទៅ ដែលកំពុង ឬមានបំណងប្រើប្រាស់សេវាកម្មពាក់ព័ន្ធនឹងពន្ធដារពីក្រុមហ៊ុនខាងលើ ត្រូវផ្អាក ឬកុំប្រើប្រាស់សេវាកម្មពាក់ព័ន្ធនឹងក្រុមហ៊ុននេះ ដើម្បីចៀសវាងទទួលរងនូវការផាកពិន័យ និងទណ្ឌកម្មផ្សេងៗ ស្របតាមច្បាប់និងលិខិតបទដ្ឋានគតិយុត្តស្តីពីពន្ធដារជាធរមាន៕