ភ្នំពេញ៖ ជំនាញក្នុងការវិភាគទិន្នន័យ គឺជាការវិភាគលើទិន្នន័យដែលទទួលបានពីគ្រប់ទីកន្លែងហើយធ្វើការសន្និដ្ឋានអំពីទិន្នន័យទាំងនោះ។ ការវិភាគទិន្នន័យ គឺជារឿងមួយដ៏សំខាន់បំផុតសម្រាប់ស្ថាប័នរដ្ឋ និងឯកជន ដោយហេតុថាទិន្នន័យអាចធ្វើឱ្យយើងទទួលបាននូវព័ត៌មានសម្បូរបែប និងអាចឱ្យយើងរៀបចំត្រៀមខ្លួនធ្វើយុទ្ធសាស្រ្តទីផ្សារប្រកបដោយប្រសិទ្ធភាព។

ជាមួយគ្នានេះ បណ្តាញស្ថាប័ន ក្រុមហ៊ុន ម្ចាស់អាជីវកម្មអាចប្រើប្រាស់ជំនាញនេះ ដើម្បីសម្រេចចិត្តឱ្យបានប្រសើរជាងមុន ជួយវិភាគនិន្នាការ និងអាចយល់ដឹងបានច្បាស់អំពីចំណង់ចំណូលចិត្តរបស់អតិថិជនដែលទាំងនេះ អាចឱ្យមានភាពល្អប្រសើរឡើងទៅលើផលិតផលសេវាកម្ម និងការងារ។ ជំនាញក្នុងការវិភាគទិន្នន័យ អាចជួយម្ចាស់អាជីវកម្មឱ្យបង្កើនប្រសិទ្ធភាពប្រតិបត្តិការ។

ការដែលចេះវិភាគ និងប្រើប្រាស់ទិន្នន័យក្នុងគំរូអាជីកម្ម មានន័យថាក្រុមហ៊ុនអាចជួយកាត់បន្ថយការចំណាយដោយកំណត់វិធីដែលមានប្រសិទ្ធភាពជាងមុន។ នេះបើយោងតាមគេហទំព័រKhmer Tech Market ៕