ភ្នំពេញ៖ ធនាគារ អេស៊ីលីដា ភីអិលស៊ី រៀបចំកម្មវិធីប្រកួតប្រជែងវិនិយោគិនដែលទិញ-លក់ភាគហ៊ុនទំហំធំជាងគេ ២០២៥ ដែលចាប់ផ្តើមពីថ្ងៃទី០១ ខែកុម្ភៈ ឆ្នាំ២០២៥ និងបញ្ចប់នៅថ្ងៃទី៣១ ខែធ្នូ ឆ្នាំ២០២៥។

ចំពោះ លក្ខខណ្ឌចូលរួមក្នុងកម្មវិធី មានដូចជា៖ វិនិយោគិន ត្រូវមានគណនីជួញដូរជាមួយក្រុមហ៊ុនមូលបត្រ អេស៊ីលីដា ម.ក និងចូលរួមជួញដូរមូលបត្រកម្មសិទ្ធិលើភាគហ៊ុនរបស់ធនាគារ អេស៊ីលីដា ភីអិលស៊ី ពិសេសផ្តល់ជូនសម្រាប់តែវិនិយោគិនរូបវន្តបុគ្គលតែប៉ុណ្ណោះ។

ជាមួយគ្នានេះ ជ័យលាភីលេខ១ នឹងទទួលបានសាច់ប្រាក់ចូលក្នុងគណនីជួញដូរចំនួន ៣ លានរៀល, ជ័យលាភីលេខ២ នឹងទទួលបានសាច់ប្រាក់ចូលក្នុងគណនីជួញដូចចំនួន ១,៥ លានរៀល និងជ័យលាភីលេខ៣ ទទួលបានសាច់ប្រាក់ចូលក្នុងគណនីជួញដូរចំនួន ៥០ម៉ឺនរៀល។ វិនិយោគិន ដែលទទួលបានជ័យលាភីនឹងប្រកាសជាសាធារណៈលើបណ្ដាញសង្គមរបស់ក្រុមហ៊ុនមូលបត្រអេស៊ីលីដា៕