ភ្នំពេញ៖ សមាគមមីក្រូហិរញ្ញវត្ថុកម្ពុជា សហការជាមួយសមាគមធនាគារនៅកម្ពុជា និងមជ្ឈមណ្ឌលជាតិផ្តល់ឈាម នឹងរៀបចំព្រឹត្តិការណ៍បរិច្ចាគឈាម ក្រោមប្រធានបទ៖ «បរិច្ចាគឈាម សង្គ្រោះជីវិត» ក្នុងគោលបំណងកៀរគរការបរិច្ចាគឈាមពីវិស័យឯកជន ពិសេសវិស័យធនាគារ និងហិរញ្ញវត្ថុ និងបញ្ជ្រាបការយល់ដឹងពីសារសំខាន់ នៃការបរិច្ចាគឈាមដល់សាធារណៈជន។

តាមការចុះផ្សាយរបស់សមាគមមីក្រូហិរញ្ញវត្ថុកម្ពុជា ព្រឹត្តិការណ៍នេះ នឹងធ្វើឡើងនៅថ្ងៃទី៧ ខែមីនា ឆ្នាំ២០២៥ វេលាម៉ោង ០៨:០០ព្រឹក ដល់ ០៤:៣០រសៀល នៅវិទ្យាស្ថានសិក្សាបច្ចេកទេសធនាគារ ដោយក្នុងនោះវិស័យឯកជនក្នុងវិស័យធនាគារ និងហិរញ្ញវត្ថុ ដែលមានបំណងចង់ចូលរួម អាចចុះឈ្មោះចូលរួមតាមរយៈ https://shorturl.at/Z8aNO ៕