ភ្នំពេញ៖ ក្រុមហ៊ុន SpaceX – Starlink ចូលរួមចំណែកដល់ការលើកកម្ពស់ការផ្តល់សេវាសាធារណៈ និងការធ្វើពាណិជ្ជកម្មតាមប្រព័ន្ធអេឡិចត្រូនិកនៅកម្ពុជាឱ្យកាន់តែល្អប្រសើរបន្ថែមទៀត។ នេះជាការលើកឡើងរបស់លោកស្រី Rebecca Hunter នាយិកាទីផ្សារនៃក្រុមហ៊ុន SpaceX – Starlink កាលពីថ្ងៃទី២១ ខែកុម្ភៈ ឆ្នាំ២០២៥។

ក្នុងជំនួបក្នុងទីស្ដីការក្រសួងពាណិជ្ជកម្ម ជាមួយលោកស្រី Rebecca Hunter នេះ លោកជំទាវ ជា រដ្ឋា រដ្ឋលេខាធិការក្រសួងពាណិជ្ជកម្មនៃកម្ពុជា ក៏បានស្វាគមន៍ចំពោះចំណាប់អារម្មណ៍របស់ក្រុមហ៊ុន SpaceX - Starlink ក្នុងការស្វែងរកឱកាសវិនិយោគនៅកម្ពុជា ក៏ដូចជាការធ្វើពាណិជ្ជកម្មតាមប្រព័ន្ធអេឡិចត្រូនិក។ នេះបើតាមការចុះផ្សាយរបស់ក្រសួងពាណិជ្ជកម្ម កាលថ្ងៃទី២៣ ខែកុម្ភៈ ឆ្នាំ២០២៥៕