ភ្នំពេញ៖ ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយកធនាគារ ARDB បន្តលើកទឹកចិត្តឱ្យម្ចាស់រោងម៉ាស៊ីនកិនស្រូវ បន្តជួយទិញស្រូវពីប្រជាកសិករឱ្យអស់ពីលទ្ធភាព និងតាមតម្លៃទីផ្សារ និងចូលរួមធានាតម្លៃស្រូវ និងស្ថិរភាពទីផ្សារស្រូវជូនដល់ប្រជាកសិករផងដែរ។ នេះបើតាមការចុះផ្សាយរបស់ធនាគារ ARDB នាថ្ងៃទី២២ ខែកុម្ភៈ ឆ្នាំ២០២៥។

ជាមួយគ្នានេះ ឯកឧត្តមបណ្ឌិត កៅ ថាច បានត្រួតពិនិត្យការអនុវត្តហិរញ្ញប្បទានពិសេសរបស់រាជរដ្ឋាភិបាលក្នុងការប្រមូលទិញស្រូវពីប្រជាកសិករ និងពិនិត្យខ្សែច្រវាក់ផលិតកម្មកិនស្រូវ ជាពិសេសសន្និធិស្រូវ-អង្ករ នៅរោងម៉ាស៊ីនកិនស្រូវចំនួនពីរស្ថិតនៅក្នុង ស្រុកបាធាយ និងស្រុកជើងព្រៃ ខេត្តកំពង់ចាម រួមមាន ៖ ទី១. រោងម៉ាស៊ីនកិនស្រូវ យូ ឃីម និងទី២. រោងម៉ាស៊ីនកិនស្រូវ សេក មាស៕