ភ្នំពេញ៖ លោក អ៊ូអិណុ អាត់ស៊ូស៊ី ឯកអគ្គរាជទូតវិសាមញ្ញ និងពេញសមត្ថភាពជប៉ុនប្រចាំកម្ពុជា ចុះហត្ថលេខាលើកិច្ចសន្យាផ្តល់ជំនួយឥតសំណង ២៤៣,៤៥០ដុល្លារ សម្រាប់ «គម្រោងតម្លើងប្រព័ន្ធផ្គត់ផ្គង់ទឹកស្អាត នៅភូមិចំនួន២ ក្នុងឃុំកំពង់ឃ្លាំង ខេត្តសៀមរាប»។

ក្នុងពិធីចុះហត្ថលេខាផ្តល់ជំនួយជាមួយ លោក ឯក សុនចាន់ ប្រធានសមាគមទឹកស្អាតជនបទកម្ពុជា នាថ្ងៃទី២១ ខែកុម្ភៈ ឆ្នាំ២០២៥ ឯកអគ្គរាជទូត អ៊ូអិណុ សង្ឃឹមថា ជំនួយឥតសំណងនេះ នឹងរួមចំណែកដល់ការលើកកម្ពស់អនាម័យនៅក្នុងតំបន់របស់គម្រោង។ សូមជម្រាបផងដែរថា ជំនួយឥតសំណងនេះ គឺសម្រាប់គម្រោងទ្រង់ទ្រាយតូចសន្តិសុខមនុស្សជាតិរបស់ជប៉ុន៕