ភ្នំពេញ៖ ជប៉ុន ផ្តល់ជំនួយឥតសំណងជាថវិកាសរុបចំនួន ៤៦២ ០០៣ដុល្លារ ដល់គម្រោងធ្វើលទ្ធកម្មរថយន្តបាញ់ខ្យល់របស់ជប៉ុន នៅភ្នំពេញ និងគម្រោងធ្វើលទ្ធកម្មរថយន្តពន្លត់អគ្គិភ័យនិងរថយន្តសង្គ្រោះបន្ទាន់ដែលប្រើប្រាស់រួច នៅភ្នំពេញ។

ក្រៅពីគម្រោងចំនួន២ខាងលើ ថវិកាសរុបនេះ នឹងត្រូវផ្តល់ឱ្យគម្រោងបំពាក់បរិក្ខារពេទ្យនៅមន្ទីរពេទ្យព្រះអង្គឌួង នៅភ្នំពេញផងដែរ។ ពិធីផ្តល់ជំនួយ នាថ្ងៃទី១៩ ខែកុម្ភៈ ឆ្នាំ២០២៥ ឯកឧត្តម អ៊ូអិណុ អាត់ស៊ូស៊ី ឯកអគ្គរាជទូតជប៉ុនប្រចាំកម្ពុជា រំពឹងថា ជំនួយឥតសំណងទាំងនេះ នឹងរួមចំណែកដល់ការអនុវត្តសមត្ថភាពពន្លត់អគ្គិភ័យ និងការកែលម្អសេវាវេជ្ជសាស្រ្តក្នុងរាជធានីភ្នំពេញ។

ពិធីចុះហត្ថលេខាផ្តល់ជំនួយឥតសំណងសម្រាប់គម្រោងទ្រង់ទ្រាយតូចសន្តិសុខមនុស្សជាតិគូសាណូណិនេះ ត្រូវបានចុះហត្ថលេខាដោយ ឯកឧត្តម អ៊ូអិណុ អាត់ស៊ូស៊ី និងលោក ឃួង ស្រេង អភិបាលនៃគណៈអភិបាលរាជធានីភ្នំពេញ រួមទាំងតំណាងមន្ទីរពេទ្យព្រះអង្គឌួង។ នេះបើតាមការចុះផ្សាយរបស់ស្ថានទូតជប៉ុនប្រចាំកម្ពុជា៕