ភ្នំពេញ៖ កូដនីយកម្ម (Encryption) គឺជាការបំប្លែងព័ត៌មានទាំងឡាយណាដែលភាគច្រើនទាក់ទង ជាមួយនឹងព័ត៌មានសំខាន់ៗផ្ទាល់ខ្លួន (Sensitive Information) ឬទិន្នន័យផ្សេងៗទៅជាកូដសម្ងាត់ ដែលវាមានទម្រង់ជា លេខ អក្សរ និង និមិត្តសញ្ញាផ្សេងៗដែលគេសរសេរបញ្ចូលគ្នាក្នុងទម្រង់កូដចម្រុះមួយ ដែលមានអ្នកប្រើប្រាស់ផ្ទាល់ប៉ុណ្ណោះទើបមានសោរលេខកូដនោះអាចដោះបាន ដើម្បីការពារការលួចចូលប្រើដោយគ្មានការអនុញ្ញាតពីចោរព័ត៌មានវិទ្យា។

តាមកម្ពុជាឆ្ពោះទៅកាន់ឌីជីថល ការប្រើកូដនីយកម្ម រួមមាន៖ ទូទាត់ទំនិញតាមអនឡាញ, ការរក្សាសុវត្ថិភាពព័ត៍មាននៅលើកុំព្យូទ័រផ្ទាល់ខ្លួនក្នុងករណីគេលួចយក, ផ្ញើសារអេឡិចត្រូនិកទាក់ទងនឹងឯកសារសម្ងាត់ ឬទិន្នន័យផ្លូវការផ្សេងៗ, ការរក្សាទុកព័ត៌មានសំខាន់ៗផ្ទាល់ខ្លួននៅលើសេវាកម្មក្លោដ (Cloud), បញ្ចូលព័ត៍មានហិរញ្ញវត្ថុ ដើម្បីចូលទៅក្នុងគណនីធនាគារអនឡាញតាម កម្មវិធីទូរសព្ទដៃរបស់អ្នក និងអំឡុងពេលចែករំលែករបាយការណ៍សម្ងាត់ជាមួយនិយោជករបស់អ្នក៕