ភ្នំពេញ៖ គោលការណ៍ដើម្បីធានាឱ្យបាននូវគុណភាពនៃ «កូដ» របស់ប្រព័ន្ធបច្ចេកវិទ្យាព័ត៌មាន រួមបញ្ចូលទាំងការសរសេរកូដឱ្យមានលក្ខណៈស្តង់ដាររួម ងាយស្រួលយល់ ស្រួលថែទាំ ព្រមទាំងមានប្រសិទ្ធភាព និងអាចប្រើប្រាស់ឡើងវិញឱ្យបានអនុវត្តតាមស្តង់ដារចំនួន ៣ដូចខាងក្រោម៖

ទី១. ស្តង់ដារសរសេរកូដ ដែលបានបង្កើតឡើងសម្រាប់ភាសានីមួយៗ ដើម្បីធានាបាននូវសង្គតិភាព, ភាពសាមញ្ញ និងភាពងាយស្រួលយល់។ ស្តង់ដារសរសេរកូដទាំងនោះរួមមាន ការណែនាំដោយ Google ក្នុងការអនុវត្តកូដភាសា Java, PEP 8 សម្រាប់ភាសា Python, ការណែនាំដោយ Airbnb សម្រាប់ភាសា JavaScript និង TypeScript ជាដើម។

ចំពោះ ទី២. ការត្រួតពិនិត្យកូដ ដោយប្រើប្រាស់យន្តការ Pull Request នៅក្នុង GitHub ឬ GitLab ជាប្រចាំដើម្បីអាចធានាបាននូវគុណភាពកូដល្អប្រសើរដោយប្រកាន់ខ្ជាប់នូវការសរសេរកូដក្នុងលំនាំ ស្តង់ដារច្បាស់លាស់ និងការបែងចែកជាម៉ូឌុលដាច់ៗពីគ្នាជាដើម និងទី៣ ការវិភាគកូដ ដោយប្រើប្រាស់នូវកម្មវិធីដើម្បីរកមើលនូវកំហុសឆ្គងនៅក្នុងកូដ និងត្រួតពិនិត្យនូវគុណភាពកូដ ដើម្បីធានានូវស្តង់ដារកូដ៕

ប្រភពពីសៀវភៅ៖ ក្របខ័ណ្ឌនិម្មាបនកម្មប្រព័ន្ធបច្ចេកវិទ្យា ព័ត៌មានក្រសួងសេដ្ឋកិច្ច និងហិរញ្ញវត្ថុ