ភ្នំពេញ៖ រដ្ឋាភិបាល ដាក់ចេញវិធានការរយៈពេលខ្លី ២០២៤-២០២៥ ដើម្បីដោះស្រាយបញ្ហាប្រឈមនានារបស់សហគ្រាសធុនតូច និងមធ្យម (SMEs) តាមរយៈការផ្សព្វផ្សាយ និងជំរុញការផ្តល់ការលើកទឹកចិត្តដល់ SMEs ដើម្បីលើកកម្ពស់ផលិតកម្មក្នុងស្រុក និងគាំទ្រដល់ការអភិវឌ្ឍសេដ្ឋកិច្ច និងសង្គម។

វិធានការនោះ មានដូចជា៖ ពិនិត្យ និងវាយតម្លៃអំពីលទ្ធផលនៃការអនុវត្តអនុក្រឹត្យលេខ ៥០, ៥១, និង ១២៤ ស្តីពីការលើកទឹកចិត្ត ផ្នែកពន្ធដារ និងផ្នែកគយ ព្រមទាំងកែសម្រួលការអនុវត្តយន្តការ លើកទឹកចិត្តពន្ធ សម្រាប់ការលើកកម្ពស់ការអភិវឌ្ឍ SMEs ដើម្បីបំពេញតម្រូវការអភិវឌ្ឍសង្គម-សេដ្ឋកិច្ច ចាំបាច់ ឱ្យស្របតាមគោលដៅគោលនយោបាយរបស់រាជរដ្ឋាភិបាល ក្នុងករណីចាំបាច់។

ក្នុងវិធានការដដែលនេះ ក៏មានការសិក្សា និងកំណត់ឡើងវិញនូវនិយមន័យ និងវិស័យអាទិភាពនៃ SMEs ឱ្យស្របតាមឧត្តមានុវត្តន៍អន្តរជាតិផងដែរ។ វិធានការរយៈពេលមធ្យម ២០២៦-២០២៨ របស់រដ្ឋាភិបាលវិញ នឹងមានការបន្តផ្សព្វផ្សាយ និងជំរុញការផ្តល់ការលើកទឹកចិត្តដល់ SMEs ដើម្បីលើកកម្ពស់ផលិតកម្មក្នុងស្រុក និងគាំទ្រដល់ការអភិវឌ្ឍសេដ្ឋកិច្ច និងសង្គមផងដែរ។

ប្រភពសៀវភៅ៖ យុទ្ធសាស្រ្តកៀរគរចំណូលរបស់រាជរដ្ឋាភិបាលនីតិកាលទី៧ នៃរដ្ឋសភា