ភ្នំពេញ៖ ក្រសួងពាណិជ្ជកម្ម និងក្រុមហ៊ុននាំចូលគ្រាប់ស្វាយចន្ទី អង្ករ ម្រេច និងផ្លែឈើក្រៀម និងគ្រាប់ធញ្ញជាតិមួយចំនួនទៀត ផ្សព្វផ្សាយអំពីសក្តានុពលនៃផលិតផលកម្ពុជា ដើម្បីលើកទឹកធុរជន និងវិនិយោគិននៃប្រទេសទាំងពីរ អាចភ្ជាប់ទំនាក់ទំនងនិងសិក្សាអំពីលទ្ធភាពក្នុងការធ្វើកិច្ចសហការអាជីវកម្មរួមគ្នា។ នេះបើតាមការចុះផ្សាយរបស់ក្រសួងពាណិជ្ជកម្ម នាថ្ងៃទី០៣ ខែកុម្ភៈ ឆ្នាំ២០២៥។

នៅក្នុងពិព័រណ៌ម្ហូបអាហារនិងភេសជ្ជៈអន្តរជាតិ លើកទី៣១ នេះ លោក កែវ ប៊ុនថេង អនុព័ន្ធពាណិជ្ជកម្មប្រចាំរដ្ឋតួកគីយ៉េ ក៏បានចូលរួមពិធីបើកពិព័រណ៌ និងបានទស្សនានូវស្តង់ពិព័រណ៍ផលិតផលម្ហូបអាហារនិងភេសជ្ជៈ ផលិតផលសាច់សត្វ គ្រឿងសមុទ្រ គ្រាប់ធញ្ញជាតិ អាហារបង្កកនិងកែច្នែ រួមនឹងគ្រឿងម៉ាស៊ីននិងបរិក្ខារដែលបម្រើដល់ការផលិតនិងវេចខ្ចប់អាហារនិងភេសជ្ជៈ។

គួរបញ្ជាក់ថា ពិព័រណ៍ម្ហូបអាហារនិងភេសជ្ជៈអន្តរជាតិ ត្រូវបានធ្វើឡើងនៅមជ្ឈមណ្ឌលអង់តាលីយ៉ា (Antalya Expo Center) នៅទីក្រុងអង់តាលីយ៉ា រដ្ឋតួកគីយ៉េ ដែលមានក្រុមហ៊ុនចូលរួមតាំងបង្ហាញប្រមាណ ៣០០ក្រុមហ៊ុន មកពីខេត្តចំនួន៧០ នៅក្នុងប្រទេសតួកគីយ៉េ និងប្រទេសចំនួន៥០ និងមានអ្នកចូលរួមទស្សនាសរុបប្រមាណ ២ម៉ឺននាក់៕