ភ្នំពេញ៖ ក្រុមហ៊ុន Inoue Calcium Corporation របស់ប្រទេសជប៉ុន មានបំណងជំរុញសក្តានុពលនាំចេញគ្រាប់ស្វាយចន្ទីកែច្នៃ និងម្រេចកម្ពុជាទៅកាន់ទីផ្សារជប៉ុន។ នេះបើតាមកិច្ចពិភាក្សារវាងឯកឧត្តម សំហេង បូរ៉ា រដ្ឋលេខាធិការក្រសួងពាណិជ្ជកម្ម និងជាប្រធានក្រុមការងារជំរុញការនាំចេញ ជាមួយលោក Akira SASAKI នាយកគ្រប់គ្រងក្រុមហ៊ុន Inoue Calcium Corporation។

ក្នុងកិច្ចពិភាក្សា កាលពីថ្ងៃទី២៩ ខែមករា ឆ្នាំ២០២៥ នេះ ក្រុមហ៊ុន Inoue Calcium Corporation នឹងសិក្សាឱកាសវិនិយោគក្នុងវិស័យកែច្នៃកសិផលនៅកម្ពុជា ក្នុងការលើកកម្ពស់ការប្រកួតប្រជែងនៃផលិតផលកសិកម្មកម្ពុជា ដោយធានាស្តង់ដារខ្ពស់ក្នុងការកែច្នៃ និងការពង្រីកទីផ្សារ លើកកម្ពស់សក្ដានុពលនៃការច្នៃប្រឌិត និងអនុលោមភាពនៃស្តង់ដារទីផ្សារជប៉ុន។

កិច្ចពិភាក្សាខាងលើនេះ ក៏មានការចូលរួមលោក Vu Van MANH ប្រធាននិងនាយកប្រតិបត្តិក្រុមហ៊ុន BMC Group ប្រទេសវៀតណាម និង លោកស្រី មុត ចរិយា ស្ថាបនិក និងអគ្គនាយិកា សិប្បកម្មហ៊ែនក្រាហ្វធីត ឃែស៊ូ ណាត់ ស្ទឹងត្រែង៕