ភ្នំពេញ៖ ឯកឧត្តម ប៉េង ពោធិ៍សា អភិបាលខេត្តស្វាយរៀង ចាត់វិធានការរុះរើផ្ទាំងផ្សព្វផ្សាយពាណិជ្ជកម្មគ្រឿងស្រវឹងគ្រប់ប្រភេទ នៅតាមដងផ្លូវសាធារណៈ ដោយចាប់ពីថ្ងៃជូនដំណឹងនេះតទៅ ដើម្បីកាត់បន្ថយការសេពគ្រឿងស្រវឹង អំពើហិង្សា គ្រោះថ្នាក់ផ្សេងៗ ពិសេសរួមចំណែកលើកកម្ពស់សេចក្តីថ្លៃថ្នូរ និងរក្សាបានសោភ័ណភាពនៅក្នុងភូមិសាស្ត្រខេត្ត។

ចំពោះផ្ទាំងផ្សព្វផ្សាយគ្រឿងស្រវឹង នៅតាមហាងភោជនីយដ្ឋាន អាហារដ្ឋាន និងតូបលក់ដូរ នានា ដែលជាកម្មសិទ្ធិឯកជន ត្រូវបានលើកលែង ដើម្បីសម្រួលដល់ការប្រកបអាជីវកម្មរបស់ប្រជាពលរដ្ឋ ប៉ុន្តែត្រូវណែនាំឱ្យមានការរៀបចំឱ្យបានត្រឹមត្រូវ សមរម្យ ចៀសវាងការប្រើប្រាស់ដីចំណីផ្លូវសាធារណៈសម្រាប់ ជាការតាំងបង្ហាញ។ ឯកឧត្តម ប៉េង ពោធិ៍សា ក៏បានជំរុញឱ្យអភិបាលក្រុង ស្រុកក្នុខេត្តស្វាយរៀង ជំរុញការផ្សព្វផ្សាយពីការអភិវឌ្ឍ និងតំបន់ទេសចរណ៍នានា នៅតាមដងផ្លូវសាធារណៈផងដែរ៕