ភ្នំពេញ៖ រដ្ឋបាលខេត្តត្បូងឃ្មុំ នឹងរៀបចំពិធីចុះចាប់ត្រីតាមបែបបុរាណ ដោយប្រើប្រាស់ អង្រុត ឈ្នាង ត្រក និងក្អុះ សម្រាប់ចាប់ត្រីក្នុងបរិវេណបឹងត្រពាំងក្រម នៅភូមិសាទុំ ឃុំជាំក្រវៀន ស្រុកមេមត់ ខេត្តត្បូងឃ្មុំ នាថ្ងែទី១ ខែកុម្ភៈ ឆ្នាំ២០២៥។

ការរៀបចំពិធីចុះចាប់ត្រី តាមបែបបុរាណ ដែលធ្វើឡើងក្រោមអធិបតីភាព ឯកឧត្តម ប៉ែន កុសល្យ អភិបាល នៃគណៈអភិបាលខេត្តត្បូងឃ្មុំ នឹងប្រព្រឹត្តទៅចាប់ពីម៉ោង ៧៖៣០នាទី ដោយមានការជួបជុំភ្ញៀវកិត្តិយស និងប្រជាប្រិយមិត្ត នៅក្នុងបរិវេណបឹងត្រពាំងក្រម, ម៉ោង ៨៖០០នាទី ជាពេលដែលគណៈអធិបតី និងសហការី អញ្ជើញដល់ និងម៉ោង ៨៖៣០នាទី ប្រសាសន៍សំណេះសំណាលរបស់ ឯកឧត្តម ប៉ែន កុសល្យ និងម៉ោង ៩៖០០នាទី ការចុះចាប់ត្រីតាមបែបបុរាណ។ នេះបើតាមសេចក្តីជូនដំណឹងរបស់រដ្ឋបាលស្រុកមេមត់៕