ភ្នំពេញ៖ ផែនការសកម្មភាព៣ ឆ្នាំរំកិល២០២៤-២០២៦ នៃគោលនយោបាយអភិវឌ្ឍន៍បច្ចេកវិទ្យាហិរញ្ញវត្ថុកម្ពុជា មានទិសដៅគាំទ្រ និងជំរុញដល់ការអនុវត្តវិធានការគោលនយោបាយ នៃគោលនយោបាយអភិវឌ្ឍន៍បច្ចេកវិទ្យាហិរញ្ញវត្ថុកម្ពុជា២០២៣-២០២៨ របស់ក្រសួង-ស្ថាប័នទទួលបន្ទុកប្រកបដោយសហថាមពល ប្រសិទ្ធភាពក្នុងការរួមចំណែកកសាងសេដ្ឋកិច្ច និងសង្គមឌីជីថល។

ផែនការសកម្មភាព ៣ ឆ្នាំរំកិល ២០២៤-២០២៦ នៃគោលនយោបាយអភិវឌ្ឍន៍បច្ចេកវិទ្យា ហិរញ្ញវត្ថុកម្ពុជា គឺមានវិសាលភាពគ្របដណ្តប់លើការអភិវឌ្ឍបច្ចេកវិទ្យាហិរញ្ញវត្ថុនៅកម្ពុជា ដែលត្រូវបានអនុវត្តចាប់ពីឆ្នាំ២០២៤ ដល់ឆ្នាំ២០២៦ នៃក្របខ័ណ្ឌពេលវេលាលម្អិតសម្រាប់រយៈពេល ៣ឆ្នាំ ដោយមិនរាប់បញ្ចូល ឆ្នាំ២០២៣។

ផែនការសកម្មភាពនេះ ក៏គ្របដណ្តប់លើយុទ្ធសាស្ត្រអាទិភាពចំនួន៤ និងវិធានការគោលនយោបាយរយៈពេលខ្លី(ក្រោម ២ឆ្នាំ) និងរយៈពេលមធ្យម (២ឆ្នាំ-៥ឆ្នាំ) សរុបចំនួន ៥២នៃគោលនយោបាយអភិវឌ្ឍន៍បច្ចេកវិទ្យាហិរញ្ញវត្ថុកម្ពុជា២០២៣-២០២៨៕

ប្រភពពីសៀវភៅ «ផែនការសកម្មភាព ៣ ឆ្នាំរំកិល ២០២៤-២០២៦ នៃគោលនយោបាយអភិវឌ្ឍន៍បច្ចេកវិទ្យា ហិរញ្ញវត្ថុកម្ពុជា»