ភ្នំពេញ៖ KhmerSME MATCH គឺជាថ្នាលផ្គូផ្គងអាជីវកម្មជាតិតាមប្រព័ន្ធអនឡាញ សម្រាប់សហគ្រាសធុនមីក្រូ តូច និងមធ្យម(MSMEs) នៅកម្ពុជា ប្រើប្រាស់ផ្គូផ្គងអាជីវកម្ម ស្វែងរកដៃគូសហការ ចូលរួមសិក្ខាសាលាបណ្ដុះបណ្ដាល និងដាក់តាំងផលិតផលបាន ដោយសេរី និងឥតគិតថ្លៃ។

MSMEs ដែលប្រើប្រាស់ថ្នាលផ្គូផ្គងអាជីវកម្មតាមប្រព័ន្ធអនឡាញ KhmerSME MATCH នឹងទទួលបានអត្ថប្រយោជន៍ ដូចជាអាចស្វែងរកដៃគូអាជីវកម្ម, ផ្សព្វផ្សាយផលិតផល និងសេវាកម្ម ដោយឥតគិតថ្លៃ, ស្វែងរកអ្នកប្រើប្រាស់ផ្សេងទៀត និងម្ចាស់អាជីវកម្មក្នុងវិស័យជាច្រើន, អាចតាមដាន ជជែក (ឆាត) និងណាត់ជួបប្រជុំជាមួយអ្នកប្រើប្រាស់បានដោយងាយ និងពង្រីកបណ្ដាញដៃគូសហការ កាន់តែមានភាពងាយស្រួល ចំណេញទាំងពេលវេលា និងថវិកា។

ចំពោះ សហគ្រាសធុនមីក្រូ តូច និងមធ្យម ដែលមានបំណងផ្គូផ្គងអាជីវកម្មជាមួយ KhmerSME MATCH អាចចុះឈ្មោះតាមរយៈ https://match.khmersme.gov.kh/ ឬអាចមើលព័ត៌មានលម្អិតតាមតំណភ្ជាប់ https://drive.google.com/file/d/1nefwN76NjiAmkAvsX0huUzPpckAQF_4c/view៕