ភ្នំពេញ៖ ក្រុមហ៊ុន Guangdong Shaoneng Group Co.,Ltd ដែលមានរោងចក្រផលិតថាមពលអគ្គិសនីដ៏ធំមួយរបស់រដ្ឋ សម្រាប់ផ្គត់ផ្គង់រោងចក្រ សហគ្រាស និងផលិតកម្មនានាក្នុងខេត្តក្វាងទុង ប្រទេសចិន មានបំណងបង្កើតរោងចក្រអគ្គិសនីជីវម៉ាស (Biomass) នៅកម្ពុជា។ នេះបើតាមការចុះផ្សាយរបស់ក្រសួងពាណិជ្ជកម្ម នាថ្ងៃទី១១ ខែវិច្ឆិកា ឆ្នាំ២០២៤។

ពាក់ព័ន្ធនឹងការបណ្តាក់ទុនវិនិយោគនេះ ភាគីក្រុមហ៊ុនចិន គ្រោងមកទស្សនកិច្ចការងារនៅកម្ពុជា ជួបពិភាក្សាជាមួយក្រសួងពាណិជ្ជកម្ម និងក្រសួងរ៉ែនិងថាមពលកម្ពុជា ដើម្បីប្រមូលព័ត៌មាន និងទិន្នន័យទាក់ទងនឹងការផលិតអគ្គិសនីដោយប្រើធាតុចូល Biomass។ នេះជាសមិទ្ធផល លោក ឡៅ ងួន អេង អនុព័ន្ធពាណិជ្ជកម្ម អមស្ថានអគ្គកុងស៊ុលកម្ពុជាប្រចាំទីក្រុងក្វាងចូវ នៃខេត្តក្វាងទុង ប្រទេសចិន ចុះជួបពិភាក្សាការងារ និងធ្វើទស្សនកិច្ចរោងផលិតអគ្គិសនី Shaoneng កាលពីថ្ងៃទី១០ ខែវិច្ឆិកា ឆ្នាំ២០២៤៕