ភ្នំពេញ៖ ផ្សារមូលបត្រកម្ពុជា នឹងរៀបចំពិព័រណ៍ផ្សារភាគហ៊ុនធំបំផុតប្រចាំឆ្នាំនៅកម្ពុជា គឺ «ពិព័រណ៍ផ្សារភាគហ៊ុនកម្ពុជា ឆ្នាំ២០២៤» រយៈពេល ៣ថ្ងៃ ចាប់ពីថ្ងៃទី២៥-២៧ ខែតុលា ឆ្នាំ២០២៤ វេលាម៉ោង៩:០០នាទីព្រឹក ដល់ម៉ោង ៩:០០នាទីយប់។ ក្នុងពិព័ណ៌នេះដែរ អ្នកចូលរួមនឹងមានឱកាសឈ្នះរង្វាន់ និងវត្ថុអនុស្សាវរីយ៍ សរុបជាទឹកប្រាក់ ៥០លានរៀល ស្មើនឹង ៥ពាន់ដុល្លារ។

ក្នុងពិព័រណ៍ផ្សារភាគហ៊ុនកម្ពុជា នឹងមានការលេងហ្គេម ដើម្បីទទួលបានរង្វាន់ជាចំនួនភាគហ៊ុន, ការដាក់ឱ្យដំណើរការមុខងារទូទាត់សាច់ប្រាក់តាមពហុភ្នាក់ងារទូទាត់សាច់ប្រាក់ពាក់ព័ន្ធនឹងមូលបត្រ (Multi-CSAS) និងការបើកគណនីជួញដូរឥតគិតថ្លៃ និងការចាប់រង្វាន់ធំៗប្រចាំថ្ងៃផងដែរ។

តាមការចុះផ្សាយ កាលពីថ្ងៃទី១៨ ខែតុលា ឆ្នាំ២០២៤ របស់ផ្សារមូលបត្រកម្ពុជា បានឱ្យដឹងថា ក្នុងពិព័រណ៍ខាងលើ ដែលនឹងរៀបចំឡើងក្នុងផ្សារទំនើប អ៊ីអន ភ្នំពេញ (អ៊ីអន១) នេះ ក៏មានការបញ្ចុះកម្រៃជើងសារ ៥០% រហូតដល់ចុងឆ្នាំ សម្រាប់វិនិយោគិនថ្មី, បើកគណនីជួញដូរ និងទទួលភាគហ៊ុនឥតគិតថ្លៃទៀតផង៕