ភ្នំពេញ៖ សហគ្រិនខ្មែរ នឹងបើកវគ្គបណ្តុះបណ្តាលស្តង់ដារសុវត្ថិភាពចំណីអាហារដល់អ្នកនេសាទ, អ្នកចែកចាយ, អ្នកផលិត ឬអ្នកកែច្នៃជលផលសមុទ្រ និងសហគមន៍នេសាទទូទៅ ក្នុងខេត្តចំនួន៣ ដូចជាខេត្តកំពត ខេត្តព្រះសីហនុ និងខេត្តកោះកុង។ វគ្គបណ្តុះបណ្តាលនេះ បង្កើតឡើងក្នុងគោលបំណងជួយពង្រឹងគុណភាព ចំណេះដឹងមូលដ្ឋានអំពីស្តង់ដារសុវត្ថិភាព និងការគ្រប់គ្រងគុណភាពចំណីអាហារសមុទ្រ។

តាមសេចក្តីប្រកាសរបស់សហគ្រិនខ្មែរ បានឱ្យដឹងថា វគ្គបណ្តុះបណ្តាល នឹងបើកទទួលការចុះឈ្មោះចូលរៀនចាប់ពីថ្ងៃទី១៥ ខែតុលា ឆ្នាំ២០២៤ រហូតដល់ថ្ងៃទី៣១ ខែតុលា ឆ្នាំ២០២៤។ កម្មវិធី ដែលនឹងរៀបចំឡើងពីខែតុលា ដល់ខែវិច្ឆិកា ក៏មានគោលបំណងសំខាន់ផ្តោតលើមូលដ្ឋានស្តង់ដារសុវត្តិភាព រួមមាន៖ ស្តង់ដារកម្ពុជា (CS), ស្តង់ដារគុណភាពកម្ពុជា (CQS), ការអនុវត្តអនាម័យល្អ (GHP), ការអនុវត្តផលិតកម្មល្អ (GMP), HACCP, ISO, អនាម័យ និងភូតគាមអនាម័យ (SPS)ជាដើម។

ចំពោះភាគី ដែលប្រកបមុខរបរពាក់ព័ន្ធនឹងផលិតផលសមុទ្រ មានបំណងចូលរៀនបណ្តុះបណ្តាលខាងលើនេះ អាចចុះឈ្មោះតាមរយៈគេហទំព័រ bit.ly/3yW1LsN ។ សម្រាប់ព័ត៌មានបន្ថែម អាចទាក់ទងដោយផ្ទាល់មកក្រុមការងារសហគ្រិនខ្មែរ តាម https://t.me/+4rsCP6Avba5jZGNl ៕