ភ្នំពេញ៖ ក្រសួងព័ត៌មាន នឹងរៀបចំពិធីប្រគល់កូនសៀវភៅ «ធម្មនុញ្ញវិជ្ជាជីវៈសារព័ត៌មាន» នៅថៃ្ងទី១០ ខែតុលា ឆ្នាំ២០២៤ នៅម៉ោង ២:០០នាទីរសៀល នៅទីស្ដីការក្រសួងព័ត៌មាន (សាលចតុម្មុខមង្គល) ក្រោមអធិបតីភាព ឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មាន។

ចំពោះ អ្នកសារព័ត៌មាន អ្នកបង្កើតមាតិកាអនឡាញ អ្នកប្រកបអាជីពក្នុងវិស័យព័ត៌មាន និងសោតទស្សន៍ ពិសេសសាធារណជនគ្រប់មជ្ឈដ្ឋាន ដែលបានស្នើសុំកូនសៀវភៅតាមបែបបទ អនឡាញទាំងអស់ អាចអញ្ជើញចូលរួមតាមកាលបរិច្ឆេទ និងទីកន្លែងដែលបានបញ្ជាក់ជូនខាងលើ។

តាមសេចក្តីជូនដំណឹង ស្តីពី ពិធីប្រគល់-ទទួលកូនសៀវភៅ «ធម្មនុញ្ញវិជ្ជាជីវៈសារព័ត៌មាន» អ្នកសារព័ត៌មាន ដែលមានចំណាប់អារម្មណ៍ចូលរួមយកព័ត៌មាន ក្នុងពិធីប្រគល់កូនសៀវភៅនេះ អាចចុះឈ្មោះតាមរយៈ QR Code ឱ្យបានមុនម៉ោង ១២:០០នាទី នៅថ្ងៃទី៩ ខែតុលា ឆ្នាំ២០២៤៕