ភ្នំពេញ៖ តម្លៃប្រេងសាំងស្ថិតនៅដដែល គឺ ៣ ៩៥០រៀល/លីត្រ ខណៈដែលប្រេងម៉ាស៊ូតក៏ស្ថិតនៅតម្លៃដដែលដូចគ្នា គឺនៅ ៣ ៨០០រៀល/លីត្រ។ នេះបើតាមសេចក្តីជូនដំណឹងអំពីការកំណត់ថ្លៃលក់រាយប្រេងឥន្ធនៈ នៅតាមស្ថានីយទូទាំងប្រទេស ដែលក្រសួងពាណិជ្ជកម្មចុះផ្សាយនាថ្ងៃទី២១ ខែតុលា ឆ្នាំ២០២៤នេះ។

បើតាមសេចក្តីប្រកាសរបស់ក្រសួងពាណិជ្ជកម្មដដែល តម្លៃអតិបរមាលក់រាយប្រេងឥន្ធនៈនៅតាមស្ថានីយលក់រាយប្រេងឥន្ធនៈទាំងអស់ គឺសម្រាប់អនុវត្ត រយៈពេល១០ថ្ងៃ ចាប់ពីថ្ងៃទី២១ ដល់ថ្ងៃទី៣១ ខែតុលា ឆ្នាំ២០២៤ ដោយកាលពី ១០ថ្ងៃមុន សាំងធម្មតាមានតម្លៃ ៣ ៩៥០រៀល/លីត្រ និងប្រេងម៉ាស៊ូតមានតម្លៃ ៣ ៨០០រៀល/លីត្រ៕