ភ្នំពេញ៖ ពីថ្ងៃទី២១-២៤ តុលានេះ នៅតែបន្តមានភ្លៀងធ្លាក់ក្នុងកម្រិតខ្សោយ នៅតាមបណ្តាខេត្តស្ទឹងត្រែង, ព្រះវិហារ, រតនគិរី និងមណ្ឌលគីរី។ ចំណែក នៅរាជធានីភ្នំពេញ, តំបន់មាត់សមុទ្រ និងតំបន់ទំនាបកណ្តាល មានភ្លៀងធ្លាក់ក្នុងកម្រិតបង្គួរលាឡំនឹងផ្គររន្ទះ ដោយការរង់ឥទ្ធិពលខ្យល់មូសុងនិរតីបក់មកលើសមុទ្រអាដាំមែន និងឈូងសមុទ្រថៃនឹងវិវត្តទៅជាប្រព័ន្ធសម្ពាធទាម (ITCZ)។មូលហេតុដែលបណ្តាលឱ្យមានប្រព័ន្ធសម្ពាធខ្ពស់គ្រប់ដណ្តប់លើតំបន់ខ្ពង់រាបភាគខាងជើងរបស់កម្ពុជា ខណៈពេលដែលមានខ្យល់មូសុងកម្រិតធម្យមបានកើតឡើង វិសម្ពាធទាបនេះពុំមានឥទ្ធិពលផ្ទាល់លើកម្ពុជានោះទេ។នេះបើតាមសេចក្តីជូនដំណឹងរបស់ក្រសួងធនធានទឹក និងឧតុនិយម នៅព្រឹកថ្ងៃទី២១ ខែតុលា ឆ្នាំ២០២៣នេះ៕