ភ្នំពេញ៖ ក្រសួងទេសចរណ៍ អង្គការសប្បុរសធម៌ហ្វិចឆឺរ៉ាល់ ក្រុមហ៊ុន Clip RV Media និង Salakamreuk Commune រៀបចំព្រឹត្តិការណ៍ជំនួបក្រុមម៉ូតូទេសចរណ៍ Siem Reap Bike Week រយៈពេល ៣ថ្ងៃ ចាប់ពីថ្ងៃទី២៤-២៦ ខែឧសភា ឆ្នាំ២០២៤ ក្នុងបរិវេណអាកាសយានដ្ឋានចាស់ នៅខេត្តសៀមរាប។

ព្រឹត្តិការណ៍ ដែលប្រមូលផ្តុំដោយម៉ូតូល្បីៗនេះ ធ្វើឡើងដើម្បីបង្ហាញពីសក្តានុពលទេសចរណ៍ដ៏សម្បូរបែបរបស់កម្ពុជា ឱ្យកាន់តែទូលំទូលាយលើឆាកអន្តរជាតិបន្ថែមទៀត។ ក្នុង«ជំនួបក្រុមម៉ូតូទេសចរណ៍» ក៏នឹងមានការប្រគុំតន្ត្រី ស្តង់អាហារ និងកម្មវិធីផ្សេងៗជាច្រើនទៀតផងដែរ។ នេះបើតាមការចុះផ្សាយរបស់ក្រសួងព័ត៌មាន នាថ្ងៃទី២៣ ខែឧសភា ឆ្នាំ២០២៤។

ក្រសួងព័ត៌មាន បានអំពាវនាវឱ្យអ្នកសារព័ត៌មានជាតិ-អន្តរជាតិ ចូលរួមផ្សព្វផ្សាយអំពីព្រឹត្តិការណ៍ជំនួបក្រុមម៉ូតូទេសចរណ៍ Siem Reap Bike Week នេះ ឱ្យបានទូលំទូលាយ៕