ភ្នំពេញ៖ សម្តេចធិបតី ហ៊ុន ម៉ាណែត បានពន្យល់ពី«ការអភិវឌ្ឍសេដ្ឋកិច្ច» យ៉ាងសាមញ្ញថា ធ្វើយ៉ាងណាឱ្យប្រជាជនមានបាន និងមានជីវភាពធូរធារ ដែលនោះហើយគឺជា«ការអភិវឌ្ឍសេដ្ឋកិច្ច»ចំពោះសម្តេចធិបតី។ សម្តេចធិបតីនាយករដ្ឋមន្ត្រីពន្យល់យ៉ាងដូច្នេះ នៅក្នុងពិធីសម្ពោធកសិដ្ឋានចិញ្ចឹមគោយកទឹកដោះគិរីសួគ៌ ស្ថិតនៅភូមិឱភាសាំង ឃុំកណ្តឹង ស្រុកបាទី ខេត្តតាកែវ នាថ្ងៃទី១១ ខែមេសា ឆ្នាំ២០២៤។

សម្តេចធិបតី ហ៊ុន ម៉ាណែត បានបន្តថាបញ្ជាក់យ៉ាងដូច្នេះថា សិទ្ធសេរីភាព ឱកាសក្នុងការរៀនសូត្រ និងឱកាសព្យាបាលជំងឺ នឹងធ្វើឱ្យជីវភាពរបស់ប្រជាពលរដ្ឋកាន់តែធូរធារ តាមរយៈការរកចំណូលបានកាន់តែច្រើន។ ប្រជាពលរដ្ឋរកចំណូលបានកាន់តែច្រើននេះហើយ នឹងធ្វើឱ្យភូមិឃុំកាន់តែរីកចម្រើនពីមួយថ្ងៃទៅមួយថ្ងៃ នេះហើយបានគេហៅថា ការអភិវឌ្ឍប្រទេស។ សម្តេចធិបតីនាយករដ្ឋមន្ត្រី បានបញ្ជាក់បន្ថែមថា មូលដ្ឋាននៃការអភិវឌ្ឍសេដ្ឋកិច្ច គឺសំដៅទៅលើការបង្កើនការងារ ការបង្កើនចំណូលជូនប្រជាពលរដ្ឋ៕https://www.youtube.com/watch?v=6cfvequH3mc